Денал гойта тIемхо

Фото: serdalo.ru

Дукха ха йисаяц вай мехко Сийлахь-боккхача Даьймехка тIем тIа котало яьккха 75 шу диза. ТIехьарча шерашка къаьстта а боча хет вайна мохк лорабеш, моастагIчоа духьала лаьтта нах. Вай республике уж геттара кIезига бисаб. Иштта байнарий а сий де Iемад вай. Къонача тIехьено еза лелаю гIаьрхой юхатохаш хиннача тайпан наьха, юртахой, мехкахой цIераш. Котало яьккхача денна хетаяьча «Лергйоацача полка» юкъе дакъа лоац бIаьш, эзараш болча кагирхоша. Юрташка хьалдаьд тIемай доакъашхой цIераш дIаязъяь дола сийленгаш. Бакъда хIанз а царех дуккхачар кхоачам боллаш сий даь даьннадац вай, хIана аьлча уж дикка дIабовзийтабац наха музейшка, кепайоазонга, телевиденеге, радиога гIолла. Цу тайпара кIезига вовзача бIухоех цаI хиннав Дарбазанов Ботхий Тухан. Аз моцагIа, Советски Союз йохалехь, лоацца яздаьдар цу сагах, бакъда цу хана цунна малагIа тIема совгIаташ тийннад (орденаш, медалаш) ховш дацар, цул совгIа цун сурт лаха а маганзар сона цу заман чухь. Тахан цох дола бакъдар дикагIа гучадаьннача хана, цун вахар ма хулла диззагIа довзийта таро я вай.

Тухан ваь хиннав 1931 шера ТIой-Юрта Дарбазанов Ботхийи Евлоева Сахратеи дезале. Из эггара воккхагIа а дезале хьалхара а хиннав. Бакъда цар дезале кхы ши воIи: Бийсолта, Iумар; кхо йоIи: Залобан, Золотхан, Тами – хиннай. Сийлахь-боккха тIом хьайначул тIехьагIа, 1942 шера ше дехар а даь, тIем тIа вахав из. Хетаргахьа, цу хана цунна дага хинна хургдац мел дукха халонаш, унзара моттигаш, Iазап ший бIаргаго дезаргда беррига тIом чакхбалалехь. Цун тIема дакъа артиллерена чудоагIаш хиннад, хIана аьлча командоване цунна тийннача баркал кхайкадеш йолча грамоташ тIа латтараш йоккхий топаш я. Лакхе яздаьд И. Сталина аьнна дешаш: «Артиллери – тIема Даьла». Лира тIом латте а, бIухой дог айдергдолча тайпара, дега безаме хургдолча тайпара деш хиннад тIема совгIаташ. Масала, Дарбазановна кхайкадаь хинна 14 баркал тIадолча грамоташка хьийжав со, царех хIараяр дикка Iомае ловш. Тайп-тайпара бесаш долаш я уж. Дика а йисай уж-м йо ца йовш, хетаргахьа, вай Сибре дигача а цигара цIадаьхкача а лораеш лелаяьй уж йолча дас. Ерригача грамотан керттера бос IажагIа ба, эггара лакхе Керттерча командующе сурти цун шинна оагIорахьа цIе байракхаши я. Цу кIалха яздаьд лакхе белгалдаьха артиллерех дола дешаш, даьча йоазонна шинна оагIорахьа, лохе йоккхий топаш латт. ХIара грамота тIа тайп-тайпара гойташ я уж: цхьанахьа — йоккха топ кхувса дошлой, вокхазахьа – гувнаш тIа латт уж, кхоалагIчун тIа уж гилкемашца хил сехьайоахаш латт, цхьаькханахьа – царна хьалха машаре вахар, иштта кхы дIахо а. ТIема хана кепайоазонца бувзабенна болх беш лаьрххIа нах хиннаб, из чIоаггIа лоархIаме хеташ а хиннаб вай мехка кулгалхошта а, тIема доакъошта хьалха латтача эпсарашта а.


Дарбазанов эпсара чин долаш хиннавац. МугIарера салте дIаваьлча, цунна тIехьа воагIа ефрейтор. Ботхий Тухан а хиннав ефрейтор. Вешта аьлча, даим тIем тIа латтача, эггара кхерамегIа йолча лела безача наьха дарже хиннав из. Цо ший декхар, ка аьга юха ца воалаш, денал гойташ, кхоачаш а даьд. Тахан цо мел даь тIемаш меттаоттаде, цо мукъа мел яьхача юртий, шахьарий цIераш дIаязъе таро яц вай, хIана аьлча из ше воацаш ва, цун тIема беррига никъ дIаязбаь моттиг яц. ХIаьта а цунна деннача совгIаташка гIолла довза йиш я цун тIема вахара доккха дакъа, из де а хьожаргда вай хIанз. 1942 шера тIем тIа вахавале а, 1944 шера 8 январага кхаччалца, фашисташта цо даь таIазар гойташ, цхьаккха хоам бац. Бакъда цу дийнахьа из кхаьча хиннав Украинерча Коровоград яхача городе. 11-ча артдивизе командира инарал-майора Андрей Давидович Поповича, Лакхехьарча Керттерча Командующе цIерагIа баркал кхайкадеш, даьча йоазон тIа аьннад, цу дийнахьа цар (цу даькъе Тухана а) областа центр, промышленни шахьар йола Кировоград хьаяьккхай аьнна. Из немций дикка коггIортолга хулаш йола шахьар хиннай. Боккха тIом хиннаб цига лаьттар. Вай эскара оагIорахьа цунна юкъе дакъа лоацаш 550 000 саг, 265 танк, 127 шоаш лела йоккхий топаш, 7136 йоккхий топаши миномёташи, 77 зинитни топаш, 500 самолёт хиннай. Из фашистий, чIоагIале йохаяь, арадала дезаш хиннад Къулбехьера Буг яхача хига.
Немций оагIорахьара цу довна юкъе дакъа лоацаш хиннав 420 салте, 520 танк, 5100 йоккха топи миномёти, 500 самолёт. ХIаьта ЦIеча эскара доакъоша 1944 шера 5-16 январе мукъаяьккхай Коровоград. Цхьа хIама да укхаза са теркам тIаозаш. Дарбазановна еннача баркал оалача цу грамота тIа а дIахо дIа мел йодача хана тийннараш тIа а инарал-майора А. Поповича «кировоградец» аьнна цIи йоаккхаш хиннай вай мехкахочох. ХIана оалаш хиннад цо ефрейторах иштта? Укхаза тайп-тайпара бахьанаш хила тарлу. Хьалхара бахьан, цо Кировоград мукъаяьккхандаь; шоллагIа бахьан, шоай тIема дакъа цига латтандаь; кхоалагIа бахьан, мехкахбаьхача нахах Дарбазанов волга лочкъадар духьа. Белгалдаккха деза, беррига тIом чакхбаллалца вай мехкахо цу юкъера араваьккха цахилар.
Цу тайпара да вайга хьакхаьчача Ботхий Тухана тIема совгIатех хьалхардар. Цигара ваьлча, тIемаш деш, 18 марте Дарбазанов ший артдивизеца Ново-Украинка яхача моттиге кхоач. Цу шахьарах а цигарча Помошная яхача цIермашена станцех а чIоагIале яь, вай эскар дIахьалха ца дохийташ, хьийзаб фашисташ. МоастагIчоа ца меттача тайпара из вохавеш, ювцаш йола моттигаш мукъайоах вай мехкахо юкъе волча цIеэскархоша. Укхаза шоллагIа баркал кхайкаду Тухана Керттерча командующе цIерагIа. Уж моттигаш мукъаяьхача хана, И. Сталина цу юкъе дакъа мел лаьцача тIема доакъошта баркал кхайкадаь хиннад, цул совгIа, Москве 124 йоккха топ 12-за кхоссийтай. Цох ха йиш я, мел боккха лоархIам болаш хиннад вай мехкарча наха уж моттигаш юха а доалаерзаяр.
Тухана еннача грамоташ тIа тIема даькъа командира увттадаьча мухьар тIара халла дийшар аз цун адрес мишта хиннад. «Полевая почта 25720» аьнна яздаьд цу тIа. Наьнага а вежарашка-йижарашка а хийла каьхат яздаь хинна хургда Дарбазановс из адрес тIадолаш, бакъда цун каьхаташ таханарча денга хьакхаьчадац. ХIаьта а цар чулоацам мишта хинна хургба яха уйла е йиш йолаш да вай. ТIой-Юртарча зIамигача сага доаккхал деш хиннад аьнна хет сона, низ болча вай эскарах а шоаш мукъайоахача моттигех а. Фуд-малад, могаш бий, салам-моаршал дIале ца оалаш-м из Iийна хургвоацилга ховш да. Цун нана, вежарий-йижарий могаш маьрша хиннаб цу хана а, вай Сибрера цIадаьхкачул тIехьагIа а. Цох лаьца кIеззига тIехьагIа дувцаргда аз.
Дарбазанов ший тIема даькъаца дIахо а дIаводаш хиннав, моастагIчоа етташ. 1944 шера 22 августе уж кхоач эшелонех хьалйиззача, царца чIоагIъяь йолча Румыне лаьттарча Яссы, Тург-Фрумос, Унгень яхача моттигашка. Цох оалаш хиннад Ясско-Кишенёвски операци. Из операци чакхъяьннай 20-29 августе. Эггара дикагIа чакхъяьккхачарех цаI лоархIаш хиннай из, цудухьа из юкъейихьа хиннай «Сталина теха итт хIама» яхача операцешта. Цига дакъа лоацаш хиннача 126 тIема даькъанна сийдола цIераш енна хиннай, 140 салтечохи командирахи Советски Союза Турпалаш баь хиннаб, ялх сагах Сийлен ордена бизза бола кавалераш хиннаб. Цига хиннача тIемашта юкъе 67130 бIухо воацаш дисад вай эскар. Царех 13 эзар совгIа вийна хиннав. ХIаьта немцийи румынийи эскарцара 135 эзар саг вийнав, 200 эзар вай эскаро кара а воалаваьв. Вешта аьлча, оалаш ма хиллара, Iел-сел хиннад цига даьллар. Инарала А. Поповича вай мехкахочоа баркал кхайкадеча хана яздаьд, лакхе хьоахаяьча моттигел совгIа, кхы а 200 нах бахаш йола моттиг мукъаяьккхай из операци йолча юкъа. Мукъаяьккхай Молдави, тIема юкъера араяьннай Румыни. Хоза гIала я Яссы тахан, цун лаьтта латт цу шерашка байнарашта хетаяь мемориал. Бакъда вай мехкахо, пхорчашта кIалха леле а, дийна хиннав. Укхаза цхьаькха а цхьа тIема совгIат лу цунна «Майрал гойтарах» йола медаль (28 август, 1944 шу).
Цу шера 11 октябре вай мехкахо дакъа лоацаш вар Трансильване гIалаш мукъайоахача. Из юкъе волаш мукъайоаккх Клуж. Цигара Тисса яхача хин тIехваьле, из кхоач Сегад яхача Венгрерча йоккхача шахьар тIа. Цу бетта 23 дийнахьа, майра чухьедаш, цо а кхыча вай салташа а хьайоаккх Сату-Маре, Карей яха, фашисташа шоай дегаондало еш хинна гIалаш. ГIинбухера Трансильвани лораеш йола чIоагIаленаш яь хиннаяр цига гIаьрхоша. Царна хийттар чакхдаланзар, уж моттигаш дIахийца ца Iеш, еррига Трансильвани а караръялийтар цар. Шу чакхдоалаш бола декабрь бутт болалуш, Дарбазанов Мошколц яхача моттиге кхоач. Венгре тIема гIирсаш хьадеш йолча шахьарех цаI хиннай из. Цигара дIакхухьийташ хиннад немций а венгрий а эскарашта мел эша герзаш. Из а яьккхе, моастагIчун цигара бIы бохабийя, вай Будапешта тIадерз. 9-ча декабре цунна тIабода никъ боаккхача а, вай эскара тIалатар 120 километр шердеча а, 60 километр кIоаргдеча а ший дакъа юкъехьу Ботхий Тухана. Цигара Дунай яхача хи тIа а кхаьча, цу хил тIехбоалача нахаца вар гIалгIай зIамига саг. Малайкий оарц лийначох тара да из лоравеш, ший герз нийса тохаш, фашисташ гаьнабоахаш, водаш хиннав ефрейтор.
ГаргагIертадар 1945 шу, диъ шера дуне цIийх лешадеш лаьтта тIом чакхбала беза шу. Бакъда хIанзарчоа, из чакх маца баргба ховш, саг вацар. Гунахьа доацаш вай мехка качвена немце эшаргволга-м ховш дар, амма белггала маца хургда из, цох хIама оалалургдолаш саг вацар шинна оагIорахьа. Цу шера январь бетта 24-ча дийнахьа Тухан юкъе вола тIема дакъа Чехословаке кхоач. Рожнява, Йелшава яхаш йола шиъ гIала мукъайоаккх цар. Март бетта 14 дийнахьа царна хьалхашка оттаду, Грон яхача хи тIара Зволен яха шахьари цIермашиннаькъа станции вайга хургйолаш, моастагIа вохавара декхар. Кхыдараш санна массане цхьатарра дика кхоачашду вай командоване шоашка даь амар. Цигара эккхаву вай мохк а деррига дуне а шийна кIалъоттаде уйла йолаш хинна фашист. Уж моттигаш мукъаяхарах №301 йолаш дола баркал кхайкаду Дарбазановна а, цун тIема даькъа берригача бIухошта.
1945 шера март бетта Словаке столицага Братиславага бодаш бола никъ мукъабаккха безаш бар. Бакъда, лоа доаккхаш санна, атта дацар из де. Даггара моастагIчо хьадеттача дашанна духьала латта везар. Е вала везаш е котвала везаш эттадар гIулакх. Шиъ хала декхар дар артиллеристашта хьалхашка лаьттар, цкъа-дале уж дехьабовла безаш дар Грон, Нитра яха хиш, цул тIехьагIа моастагIий хоза наьха мо чIоагIбенна багIа Комарно, Новы Замки, Шураны, Комьятице, Врабле яха шахьараш яр мукъаяха езаш. Цхьанна хIамо къар ца беш, духьаллатт герзах хьалбикъача фашисташта вай бIухой. ЧIоагIа тIом бар цар баьр. Уйла цаI мара яцар, толам дIа ца бахьийтар. Иштта яр Базоркин Идриса яздаьча «Сай» яхача дувцара
керттерча турпалхочун уйла а. Фашист а ца вусаш, ше дийна виса веза аьнна хетар цунна, таIазар даь, вувча ше дIакхоачаваьволлашехь. Сай а вар артиллерист, еррига батарея йохаяь, ше цхьаьккъа висача, гув тIа яьккха еттар цо йоккха топ, сакхетам чура воаккхаш човнаш йилцца. Кхыметтел лаьца набахта веллача а, ха тIа латта салте вийя, цигара вод из. Иштта нах хиннабецаре, вай эскар котдаьнна а хургдацар. Оалаш ма хиллара, бIаргаш хьатIадоахе а, духьаллатта везаш хиннад гIулакх. Царех хиннаб инарал А. Поповича хьалхле лелаяь бIухой а. Цунна тешал деш да Дарбазановна 1945 шера 30 марта кхайкадаь №318 йола баркал. Йоккха тамаш я ер-м. Из баркал кхайкадаьча шоллагIча дийнахьа — 31 марта – цхьаькха баркал кхайкаду цунна №323 йолаш. Нитра яха шахьар хьа а яьккха, Ваг яхача хин дехьабаьнна, Галанта яхача городера гитлерхой лелхабарах еннаяр из тIадола грамота.
Ботхий Тухана карагIдаьнна деналера гIулакхаш кхы а дукха да, иштта дукха да цунна кхайкадаь хинна баркалаш а. Масала, апреле цо дакъа лаьцад Малацки, Брук яхача моттигашка цIермашинникъ мукъабоаккхаш, Превидза, Бановце яха шахьараш хьайоахаш, иштта Брно (Брюн) мукъайоаккхаш а тIом баьб цо. Цу хана котало яккха ши кIира мара диса хиннадац, хIана аьлча эггара тIехьа цунна кхайкадаь баркал 1945 шера 26 апреле кхайкадаь хиннад.
Вай къам Сибрера цIадалцца, Ботхий къонгаш баьхаб Петропавловски областа Явленка яхача юрта. Цига яйзай тIемхочоа Iарчакхнаькъан Iусмана Рукъет. ХIаьта вай цIадаьхкачул тIехьагIа, 1957 шера денз уж баьхар Шолжа-ГIалан Октябрьски района Посевной оалача урам тIа. Цар хиннад виъ воIи ши йоIи: Мухарбик, Саварбик, Iаьла, Муса, Вахидат, Фатима. Къонгех цаI мара висавац, Муса карарча хана Магасе вах.
-Дукхача балхашка дIавехаш, Iаьдало сий деш вар из, — йоах Мусас ший даьх лаьца. Бакъда цо дукха ха яьккхаяц вахаш, 1962 шера кхелхав Тухан, ший 31 шу даьннача хана. БIаргадайна тIема Iазап, Сибрен хало яхачох тара я кхийна нийсвенна хиннача Тухана дегIах. Цун ханарча нахах оал, хIанз мара саг йоалае ха яцар цун. ДIахо, ше мел ях, дезал кхебеш, ма хулла царна хIама ца эшийта гIерташ, чакхъяьлар цун фусам-нана, из балха яр Нохч-ГIалгIай хIамаш йохкара-эцара базе. 1992 шера пенсе яхаяр Iусмана Рукъет, карарча хана из а йоацаш я.
Иштта хиннаб денал долча вай мехкахочун тIема а вахара а никъ. Из доаккхал де мегаргболаш а хиннаб.

С. Арчаков

№ 101-102 (12236-237), ера, 11 июль, 2019 шу / четверг, 11 июля 2019 года

 
По теме
Кхелахо - Сердало Цхьан гIалгIай юрта хиннав, геттара наха юкъе цIи хеза, наха довна-шовна юкъе а кхувлаш, мел доккха дар аьнна дов дIадаккха карагI а доалаш вола, Дала хьаькъал денна къонах.
17.07.2019
Йодаяьча сагах тоам бар - Сердало Цхьан воккхача сага воIа аьрдагIча наьха саг йодаяь хиннай. Лакхача гув тIа дагIаш хиннад воккхача сага цIа.
04.07.2019
 
Кому платить и сколько? - Сердало Автострахование Каждый автолюбитель один раз в год сталкивается с проблемой переоформления автомобильного полиса.
18.07.2019
Золотые медали — жажда знаний - Сердало Как сообщают наши коллеги из Минобрнауки РИ, в Назрановской школе №6 состоялась торжественная церемония вручения золотых медалей отличникам учебы.
18.07.2019
ВО ИМЯ ВЫСОКИХ ЦЕННОСТЕЙ - Сердало В Краснодарском крае, в одной из воинских частей, расположенных в Тихорецком районе, проходят сейчас срочную службу молодые посланцы Ингушетии.
18.07.2019
 
Новости России - Сердало В России создадут единый реестр для малого и среднего бизнеса Это необходимо для повышения эффективности предоставления поддержки субъектам МСП и обеспечения ее прозрачности, считают в правительстве.
18.07.2019
Бошта тхов-кийле Iалашярдухьа - Сердало Укх деношка, ГIалгIайчен Правительства тхьамадас Йовлой Зялимхана тIадилларца да-нана доацаш дисача бойи, даьи-наьнеи доал доацаш дисача берийи спискаш тIа латтачарца вIашагIкхетар дIадихьар дешараи, Iилмани министерстве.
18.07.2019
 
telefon_p.png - МВД России по Республике Ингушетия Не прекращаются преступления, связанные с хищениями сотовых телефонов. Обычно это кражи, грабежи и мошенничества, но также случаются разбои и умышленные повреждения.
17.07.2019 МВД России по Республике Ингушетия
Заявление рассмотрено – меры приняты - УППЧ На имя Уполномоченного по права человека в Республике Ингушетия  поступило письменное заявление от адвоката Г., в интересах обвиняемого К.А., по поводу его необоснованного содержания  под стражей.
18.07.2019 УППЧ
Спецкомиссия по защите детей от жесткого обращения проверяет условия жизни детей в опекунских семьях в городе Сунжа, где серьезно травмирован семилетний ребенок, сообщили газете «Ингушетия» в мэрии города.
16.07.2019 Ингушетия
Верховный суд оставил без изменения решение первой инстанции об аресте на два месяца 35-летней жительницы республики по обвинению в избиении семилетней девочки, сообщили газете «Ингушетия» в суде.
16.07.2019 Ингушетия
Архив Вынесен обвинительный приговор жителю региона, по громкому делу о разбойном нападении на отделение почтовой связи в составе группы с тяжелым ранением охранника,
12.07.2019 Ингушетия
Сохранить «ускользающую» нематериальную культуру! - Сердало Буквально перед уходом на «каникулы» Народное Собрание республики приняло в первом чтении законодательную инициативу Назрановского районного Совета — проект Закона РИ «О нематериальном культурном наследии в Республике Ингушетия».
18.07.2019 Сердало
Микаэл Базоркин провел совещание по вопросу реализации «Фестиваля национального (ингушского) этикета» в Малгобекском районе.
18.07.2019 Министерство культуры
Конкурс бытового национального танца в рамках проекта «Ингушский этикет» продолжится в культурных учреждениях Малгобекского района, сообщает пресс-служба Республиканского дома народного творчества Ингушетии.
17.07.2019 Ингушетия
Детский хореографический ансамбль «Сийг» под руководством Магомеда Имагожева представил свою концертную программу в Доме культуры сельского поселения Нестеровское Сунженского района,
17.07.2019 Газета Знамя труда
Цхьан гIалгIай юрта хиннав, геттара наха юкъе цIи хеза, наха довна-шовна юкъе а кхувлаш, мел доккха дар аьнна дов дIадаккха карагI а доалаш вола, Дала хьаькъал денна къонах.
17.07.2019 Сердало
Соревнования станут праздником для любителей ММА - Ингушетия 27 июля в Назрани пройдёт республиканский турнир по смешанным боевым единоборствам Республиканский турнир по смешанным боевым единоборствам ММА среди юношей 16-17 лет и юниоров 18-20 лет пройдёт на следующей неделе в 
18.07.2019 Ингушетия
ВО ИМЯ ВЫСОКИХ ЦЕННОСТЕЙ - Сердало В Краснодарском крае, в одной из воинских частей, расположенных в Тихорецком районе, проходят сейчас срочную службу молодые посланцы Ингушетии.
18.07.2019 Сердало
Кому платить и сколько? - Сердало Автострахование Каждый автолюбитель один раз в год сталкивается с проблемой переоформления автомобильного полиса.
18.07.2019 Сердало
Как сообщают наши коллеги из Минобрнауки РИ, в Назрановской школе №6 состоялась торжественная церемония вручения золотых медалей отличникам учебы.
18.07.2019 Сердало
В России создадут единый реестр для малого и среднего бизнеса Это необходимо для повышения эффективности предоставления поддержки субъектам МСП и обеспечения ее прозрачности, считают в правительстве.
18.07.2019 Сердало
Укх деношка, ГIалгIайчен Правительства тхьамадас Йовлой Зялимхана тIадилларца да-нана доацаш дисача бойи, даьи-наьнеи доал доацаш дисача берийи спискаш тIа латтачарца вIашагIкхетар дIадихьар дешараи, Iилмани министерстве.
18.07.2019 Сердало
Врио Главы Ингушетии инициировал создание в республике детского фонда - Magas.Ru Врио Главы Ингушетии Махмуд-Али Калиматов на встрече с уполномоченным при Президенте России по правам ребенка Анной Кузнецовой озвучил инициативу по созданию в республике фонда для оказания помощи детям.
18.07.2019 Magas.Ru
Микаэл Базоркин провел совещание по вопросу реализации «Фестиваля национального (ингушского) этикета» в Малгобекском районе.
18.07.2019 Министерство культуры
Уважаемые жители г.Малгобек! Завтра, 17 июля 2019 года, в связи с проведением работ по ремонту нескольких порывов водяных труб по улицам Промышленная, Албогачиева и Победы, в городе будет приостановлена подача воды с 7:00.
18.07.2019 Администрация г. Малгобек
«Россети Северный Кавказ» направит 70 млн рублей на модернизацию электросетей Назрани В Ингушетии продолжается реализация масштабного проекта по реконструкции распределительных сетей 6 — 0,4 кВ,
18.07.2019 Ингушетия
По обращениям жителей многоквартирных домов сотрудники МУП «ЖКХ г.Малгобек» провели частичный ремонт этажных домов по адресам: Гоголя 36, Гоголя 32, Осканова 5 и Базоркина 53.
18.07.2019 Администрация г. Малгобек