ХЬАМСАРЧА ЙИЖАРАШКА

Хьалха дIаяхача ханашка, хьокхама аьлча, I00 шу совгIа е гарга йолча ханал хьалха воай мехкараша а исташа а даьхача сурташка хьежача, гу вайна, мел цIенхашта лелабаьб вай къамах болча кхалнаха шоай дегIа тIара гIирс. Боккхийча исташа а мехкараша а, хоза хеташ, шоай дегIа эздел дIа а хьокхаш, леладаьд из барзкъа, вIалла кIорда а ца деш. ХIанз наггахьа кхалсаг мара гац вайна къаьстта вай къаман дувхарца хьулъенна, из а маьре йодача йоIа дувхаш е моллагIа къаман гIулакх хьахьокхача вIашагIкхетарашка дувхаш мара нийслуц.

ЙиIиг кхойтта шерал тIехъяьлча, наха юкъе дIа-хьа мел йодача хана, из барзкъа тIадувхийташ хиннад цунга вай ноаноша, цун дегIа доалаш латта онк хьулде а, из кхувш йоагIилга наха дIахайта а.

«13 шу йиIий даьлча, цхьа геттара дегIа эсала а йолаш, тIехьаюсаш из еце, кхийна яьннарг а лаьрхIе, цунга бустам бола коч тIаювхайойтар. Бустам бола коч ювхар маIан да йоI кхийна хилар. Накхеи, къамарги, пхьарсаши, ностараши бIаргаго йиш йолаш дацар. ЙоI-сагаи сесагаи юкъера къоастам малагIа бар аьлча, йиIий йIаьха кIажараш яр, хIаьта маьре яхача кхалсага, мел къона из яле а, кIажараш яь а е кIажъяь а мос бIаргагойта йиш йолаш яцар. Из морг хилча, човхам чIоагIа а хулар. Тхо зIамига долча хана тхога дувхадойташ дацар кхычахьара тIадена барзкъа, нагахьа дувхе а, къаман къоназолгашца фост дарца белгал а даьккхе мара дувхацар. Цу хана а долаш дар дезза тайпара хьаэца барзкъа, амма, дале а, тхога дувхадайтацар вайдар мара. Мичча тайпара дале а, дика да-кх шийдар», — йоах бIаьра яьннача БIарахой Къудаса.

Дизза ший дегI къайла ца даьккхача, кхалсаг маьре дIаюгаш а хиннаяц хьалхарча хана. Сона хац, тахан вайна фу даьд. ДIааравала хьона моге, шортта лелаш ба, вайдар Iо а даьккха, хьалха вай къамо къоабалдеш ца хинна, ийрча хеташ хинна, наьха барзкъа тIа а дийха лела кхалнах.

Дукха тайпарча къамех болча Iарбаша а леладу шоай къаман барзкъа, Инде гIолла вай гобаьккхача, цига цар дувхадер а шоай барзкъа да. ХIаьта вай кхычахьар тIадена, Iовраташ гучахьа хулийташ дола, чакх садоагIа барзкъа хIана дувхаду. Ма чIоагIа чам ба-кх вайна наьха хIама айде, лакхде, хIаьта вайчун сийдоаде!

«Шоай мехках а, къамах а, дуненах а беха, баьла-баьннача чатараш а детташ лелача цигаьнаша тахан а хийцадац шоай барзкъа. Тхьовра гIулакх мишта дар аьлча, нагахь санна йоI дувхарца хьакхашта яьнна яле, цунца зоахалол хьоаде вахача зIамигача сага оалаш нийслора, Iа хьай дегIа гIирс тоаборе, хьо сайна Дала йогIар ловш вар со, хьоца зоахалол а дергдар аз, аьле. Из дар, цкъа дале, йоIах бехк баккхар, шозлагIа дале, цунга ший дегIа барзкъа тоадайтар. Ишта дар цу хана, хIаьта хIанз вай дIахийца лела нах мо мукъа битаб воай кхалнах. Из нийса а дац. Бусалба дино а ма йоахий кхалнахага дегI дIахьулде, лерттIа гIирс тIабувха. Аз яхац кхалнах халбата бохка, бакъда къаман Iадатаца-м хила деза кхалвар а маIавар а», — йоах воккхача сага Матенаькъан Абубакара Асхьаба.

Вай къаман гIирс тIабийха йоI бIаргаяйча, цецъамагIа баьле, хьежаш, из хоза хеташ хул кхыча къамах бола нах. ХIаьта вай из цхьаккхача а маьхе лархIац. Хьо ваха, лоархIаре, хIаране тIа-м дувхадергдар шоай къамандар. ЛархIац вай из!

«ЧIоагIа хоза тета сона гIалгIай дувхар, къаьстта кхалнаьха дар. Пхьешал дIахо Iодада коараш, уралатта къамарга воротник геттара йоI цIенхашта хилар хьогойташ да аз кхетадечох. Сона хета, се гIалгIа яларе айса из барзкъа дувхадергдар, аьнна», — йоах Ставрополерча юкъара болх лелабеш йолча яхархочо Пабеднова Анастасияс.

Нагахь санна къаман дувхарца кийчъенна йоI е сесаг бIаргаяйча, хийлане оал, ер а я укхаза, яхача заман гIирсаца кийчъенна лелаш. Из ца а яхаш, Европа, Iарбий, иштта кхыча паччахьалкхений барзкъаш дувхадечул, воай къаман барзкъаш дувхадоре бакъахьа дар вай тIа. Цу гIулакха бехке кхалнахал чIоагIагIа маIа нах ба. Уж бовла беза шоай кхалнахага хьамсарча къаман барзкъ тIадувхийта оарцагIа.

Са хьамсара дукхадеза йижари, аз дехар ду шуга, ма кхоссалаш шоай ноаноша лелабаь из хоза гIирс Iо. Ма доаделаш цун сий. Кхы мел дар дIадаьлча а, вай къаман кхалнаьха барзкъ ма дий из.

Дала дукха доахадолда шо!

Матенаькъан Илез


Ещё новости о событии:

Хьалха дIаяхача ханашка, хьокхама аьлча, I00 шу совгIа е гарга йолча ханал хьалха воай мехкараша а исташа а даьхача сурташка хьежача, гу вайна, мел цIенхашта лелабаьб вай къамах болча кхалнаха шоай дегIа тIара гIирс.
13:33 24.10.2017 Skforussia.Ru - Магас
Хьалха дIаяхача ханашка, хьокхама аьлча, I00 шу совгIа е гарга йолча ханал хьалха воай мехкараша а исташа а даьхача сурташка хьежача, гу вайна, мел цIенхашта лелабаьб вай къамах болча кхалнаха шоай дегIа тIара гIирс.
12:42 24.10.2017 Сердало - Магас
 
По теме
В 136 школах региона в рамках проекта патриотического воспитания граждан России введены ставки советников директора по взаимодействию с детскими общественными объединениями.
В ОФСИН России по Республике Ингушетия прошли пожарно-тактические учения - ОФСИН по Республике Ингушетия Сотрудниками ведомственной пожарной охраны ОФСИН России по Республике Ингушетия совместно с работниками пожарно-спасательной части № 4 г. Карабулак МЧС России по региону были проведены занятия,
ОФСИН по Республике Ингушетия
Медицинское обследование в 2023 году прошли 124 тыс. несовершеннолетних жителей региона, или 96% от общего числа, сообщили газете «Ингушетия» в пресс-службе Главы и правительства республики.
Газета Ингушетия
Корь - это острое инфекционное заболевание, характеризующееся общей интоксикацией, воспалительными явлениями со стороны слизистых глаз, носоглотки, верхних дыхательных путей, характерной сыпью.
Роспотребнадзор