ХЬЕХАМ ВIаший дезар – вай декхар

Фото: serdalo.ru

МоллагIча хIаман ши оагIо я, цаI шоллагIчоа тара а йоацаш. Из ховш да, сакхетам чу мел волчун. Вай заманхочунга хьалха, демократи отталехьа ца хиннача тайпара аьттув кхаьчаб, шийна хетар ала а, цу тIа дIалатта а. Из цхьа оагIо я, паргIата дош ала яьннача кердача заман. ШоллагIа йола оагIув – яьннача паргIатоно наьха уйлаш башха яхача ца Iеш, нах а бийкъаб. Бийкъача ца Iеш шоайла эгIабаь а дукха моттигаш я. Иштта цатовр аьнна, харцо йийца, цадоагIар леладаь, е кхыдола бахьан долаш, е вIалла доацача бахьана дегабуамашца ийгIа багIаш дукха нийслу нах. Вай зIамигача мехка, зIамигача къаман чIоагIа Iаткъ цу тайпара хьаштдоацар. Иштта эттача хьала боагIаш хьехам бар Наьсарен Имама ЦIолой Хизира шахьара керттерча рузбан маьждиге баьр.

Даьла Элчас, Даьла салот салам хилда цунна, аьннад ший асхьабашка: «Шуга дувц аз ламазал дезагIдар, мархал дезагIдар, сагIал дезагIдар». ТIаккха асхьабаша дувц шоашта аьннад. ТIаккха Элчас аьннад: «Шин сага юкъера юкъ тоаяр да шоана», аьнна. Наха юкъера юкъ тоаелаш, из йохаяр дин дIадоашаш дола хIама да шона. Цхьаькханахьа а Элчас йоах, сагаIх дезагIдар, наха юкъера юкъ тоаяр да шоана.
Тахан дукха къахьегаш сагIа ма лой вай. ИйгIа вагIа ши саг вай тоавой, юкъе дов долча меттера вай дов дIадоаккхе, иштта маслахьата тIехьа вай къахьийгача, Пайхамаро хьехам беш йоах вайга, дезагIа дола сагIа из да шоана. Везеи воккхеи волча Дала йоах вайга: «Даьлах кхера, шоашта юкъера юкъ тоае! Далла а мутIахьа хила, Даьла Элчанна а мутIахьа хила, шоаш им дилла дале». Цудухьа воашта юкъера юкъ тоае еза вай, Даьлах кхера деза вай. ХIара саг шийгара харцахьа хIама даргдий-хогI, согар халахетар даргдий-хьогI, аз даьча хIамах зулам даргдий-хьогI яхаш, озаш хила веза ший гIулакхаш.
Дала Къуръана чухьа йоах: «Им дилла нах вежарий ба шоана, шоай вежарашта юкъера юкъ тоаелаш. Шо Даьлах кхера, шох къахетам бергболаш». Даьла къахетам безаш ва-кх вай массаварг а. Даьла къахетам вайна безе, Даьлах кхера деза вай: ший багара доагIача дешах кхера веза, ший гIулакхах кхера веза. Дала цхьа вежарий даьд вайх, цхьа Даьла волаш, цхьа Пайхамар, цхьа Къуръан долаш, цхьа къиблат йолаш. Шо вежари хилар хьатIаэцаш шо деце, им дилла дац шо яха маIан доал цох. Дала вежари долда вайх.
Сагах хIама ала адам сихденна зама я ер. Элчас йоах ший хьадисагахьа, Даьлера салот салам хилда цунна: «Ший веши сий доадеча метте, из ца доадайташ юхатехача сага юхь тIара жожагIате юхатохаргья шоана». Элчас цхьаькханахьа а йоах, Даьлера салот салам хилда цунна: «Ший веший сий дунен чухь лорадаьча сага Дала малайк дайтаргда къемата дийнахьа жожагIатенах из лоравеш». Тахан дуненахь Iа хьай воша лоравар бахьан долаш, кхоана къемата дийнахьа Дала хьо лоравергва йоах.
Элчас цхьаькханахьа а йоах ший хьадисагах: «Ши къонах Даьла духьа шоайла дукхавеза ма веннавац, царех ший бусалба воша дукхагIа везар Далла дукхагIа везаш мара». Бусалба воша бусалба вешийна дукхавезар деза лаьрхIа да. Кхоана доагIаргдолча къемата дийнахьа Дала аргда яхаш, вай Пайхамара йоах: «Къемата дийнахьа Дала аргда, Са возалца шоайла вIаший дукха бийза нах мичаб? Тахан аз сай Возалах дув ма буъ шоана, царна Iи дергда аз сай Iингахьа сай Iи мара доацача дийнахьа», яхаш. Даьла духьа шоайла дукхабезараш ба цига бувцараш.
Даьла духьа вIаший дукха дезар вайна юкъе да а да. Вай вIашагIа мел кхийттача метте воайла къин тIера даьнна мара вай ламаз а дIадехкац. ВIаший къин тIера даьле Даьла хьоахавар хул вай. Тахан вай масал эца мегаргдолаш хIама да-кх вайна бIаргагуш латтар. Дуккха туркхаш ба вайна юкъе. Царех цхьавола сага ца1 дукха везаш, кхывар кIезигагIа везаш хила тарлу. Бакъда, цу сагага сагото енай аьнна хьа ма хезанге, из сона везац яхаш цIагIа вижа ца уллаш, моллагIа цо шийна халахетар даь дале а, Даьла духьа дIа а вахе цун коа даэтте, цун таьзет кхоачаш а дий, цун венна саг дIа а велле, дуккха къа а хьийге хьавоагIа из саг. Из туркх яхаш дола дош мо чIоагIа да вай бусалба хилар. Бусалба ца хилча цхьаккха а хургдац. Из массадолча хIаманна кертте латт. МоллагIа долча хIаманна вIаший къин тIера довлаш хила деза вай, вIаший мегаш хила деза вай.
Элчас йоах, Даьлера салот салам хилда цунна: «Ялсамал чугIорг ма дац шо оаш им диллалца. Им дилла ма дац шо, шо вIаший дукха дезалца». Шо тIанийсденнад йоах Пайхамара, оаша хьадича вIаший дукха дезарг долча хIаман тIехьа. Шоашта юкъе салам доаржаделаш аьннад Пайхамара.
Сийдолча Къуръана чухьа йоах Дала, «Адама тIехье сийдолаш кхеллай оаха». Цудухьа, вай декхар да моллагIа саг вайна юкъе нийслой, кхыча къаман саг из вале а, хоза гIулакх цунца лацар. Воккхачунца хоза гIулакх лацар, зIамагIчунца хоза гIулакх лацар. Иштта цу балхаца хоза Iамал еш хиннав из. Нахаца леладеш дола гIулакх хоза долаш хиннав из. Пайхамара кулг дIаделча, цу сага кулг дIадаккхалца, ший кулг хьадаккхацар. ХIана? Цу вокха сага ший кIордаваьв, аьнна, моттаргдоацаш. Даьлера салот, салам Даьла Элчан хилда, ше къамаьл деча мажлисе ше бIарахьажар декъаш хиннад цо. Массазза цхьанахьа бIара а ца хьежаш, массанахьа терко еш хиннай цо. Йистхилар кIаьда, мерза долаш хиннав из. Наха дIакхетадергдолча тайпара, цкъа аьлча, шозза а козза а белгалдоаккхаш. Иштта Пайхамара гIулакхаш хоза хиннад.
Дагавалар долаш хиннав Пайхамар Даьлера салот салам хилда цунна. Цун асхьабаш йоах: «Пайхамарал чIогIагIа нахаца дагавоалаш саг бIарг ма вайнавац тхона». Хаьжал Пайхамар малув. Дала вохIи Iо а кхохьийташ, Жабраил малайк Iо а доссадеш, Дала Къуръан доссадаь вола Даьла Элча ва из. Дала Къуръана чухьа а вIаший дага довла йоах. Вай вIаший дагадувлар Далла мутIахьа хилар да, Пайхамара тIехьа дарзар да. Хьо хьай цагIа, хьай дезалца, хьай цIен нахаца дагавоалаш хилар, цу цIагIара эр-безам совбоаккхаш да. Наха хьалхаваьнна латташ вола саг цу нахаца дагавоалаш хилар, цу сагаи нахаи юкъера эр-безам тоабеш да. Вайна юкъе дагадовлар а хила деза, хоза гIулакх а хила деза, гIийбат хила йиш яц, оалаш дола хIама дикача нигатаца оалаш хила деза. Дала вайна а, массаболча бусалба наха а юкъера юкъ тоайойла, вIаший эр-безам совбоаккхалба! Дала шийна дукха дийзачарех долда вай!

ДIаяздаьр:
Бохтарнаькъан ХIарон

№166 (12102), шоатта, 10 ноябрь, 2018 шу/Суббота, 10 ноября 2018 года

 
По теме
ГIалIай Эздел - Сердало Эздел дувца делча вай оал, Iалаьмате дукха хIама чудоагIа цу чу, аьле. Бакъда из, вай деррига вахар да цу дешаца хоттаденна.
30.10.2018
 
ВIаши дукхадеза  хьажа вай - Сердало Миччахьа нах вIашагIкхийттача метте, мел чIоагIа хало, бала, гIайгIа, цоатам, сагото цига хиларах юхь елаенна саг бIаргавайча тоам хул хало тIакхаьча воалача сага.
30.10.2018
Война на дорогах продолжается - Ингушетия За 11 месяцев текущего года на дорогах Ингушетии произошло 193 дорожно-транспортных происшествия За 11 месяцев текущего года на дорогах Ингушетии произошло 193 дорожно-транспортных происшествия,
14.12.2018 Ингушетия
Бывший глава Сунженского района Исса Хашагульгов выгнал активистов с похорон Муслима Хашагульгова - Magas.Ru Бывший глава Сунженского района Исса Хашагульгов заставил старейшин и активистов покинуть двор семьи Муслима Хашагульгова во время его похорон , настояв на проведении обряда узким кругом родных,
14.12.2018 Magas.Ru
Опознаны молодые люди, ликвидированные при нападении на силовиков в Назрани, сообщил секретарь Совета безопасности республики Ахмед Дзейтов на встрече с Главой региона Юнус-Беком Евкуровым в Магасе.
13.12.2018 Ингушетия
Архив В Назрани полицейскими задержан житель соседней Северной Осетии, у которого изъято 17 граммов синтетического наркотика, сообщает пресс-служба МВД России по Ингушетии.
13.12.2018 Ингушетия
При поддержке Ингушетии во Владикавказе прошло мероприятие приуроченное к месяцу Рабиуль Авваль - Magas.Ru В Мечети Владикавказа прошло мероприятие, приуроченное к месяцу Рабиуль Авваль — месяц в котором родился пророк Мухаммад.В мероприятии приняли участие министр по внешним связям, национальной политике,
10.12.2018 Magas.Ru
Iилманхо - Сердало «Шух дикагIвар, Къуръан Iома а даь,из дIахьийхар ва» Элчан хьадис (с.а.с.) ТкъестлагIча бIаьшера вай мехка дин Ислам наьха санна даьржад.
07.12.2018 Сердало
По линии развития сельских территорий, на участке, где еще на моей памяти находилось пастбище, за которым расстилались колхозные поля сельскохозяйственных культур, нынче строятся детский сад, школа.
27.11.2018 Сердало
Ахмед Тангиев В наше время кража и обман становятся настолько распространёнными и обыденными явлениями, что тех, кто не ворует и не обманывает, считают людьми, не умеющими жить.
21.11.2018 Ингушетия
Дукха ха я, цу сагах дувца а язде а ловш со вола. Бакъда, цхьацца гIулакхаш юкъе лелахаш а, ма хетта цох дола дувцараш тахка а довза а ха цахиларах из малха ца воаккхаш ваьгIавар со.
22.11.2018 Сердало
Открытие выставки «Аул Балхар» из Дагестанского музея изобразительных искусств им. П. С. Гамзатовой в Музее ИЗО - Министерство культуры Вчера в Государственном музее изобразительных искусств Республики Ингушетия состоялось торжественное открытие выставки «Аул Балхар» из Дагестанского музея изобразительных искусств им.
14.12.2018 Министерство культуры
В Государственном музее изобразительных искусств Ингушетии состоялось торжественное открытие выставки «Аул Балхар» из Дагестанского музея изобразительных искусств имени П. С. Гамзатовой, сообщает пресс-служба учреждения.
14.12.2018 Ингушетия
«Хьайбаех дола гIалгIай фаьлгаш», оттадаьраш: Д. Мальсагов, Б. Зязиков. Нохч-ГIалгIай книжни издательство, Грозный — 1961 шу.
14.12.2018 Сердало
Билан Нальгиев: «Неважно король ты или пастух, главное оставаться человеком» - Министерство по физической культуре Ингушский борец греко-римского стиля, чемпион и призёр чемпионатов России, Победитель кубков Европейских наций, чемпион Европы среди юниоров 2009 года, бронзовый призёр гран-при Ивана Поддубного 2016 года,
13.12.2018 Министерство по физической культуре
Ингушское региональное  Партии «ЕДИНАЯ РОССИЯ» приняло участие в  XVIII Съезде Партии - Администрация МО г. Карабулак Комментируя работу Съезда, Зялимхан Евлоев отметил, что каждый из участников форума смог еще раз убедиться – «ЕДИНАЯ РОССИЯ» является ведущей политической силой страны на всех уровнях.
14.12.2018 Администрация МО г. Карабулак