Iилман кхуврч – библиотека

Iилман кхуврч – библиотека
Фото: serdalo.ru

Ший болх дукха а безаш, цу тIехьа къахьегаш волча сага ше лоархIаш а, шийна терко еш а хилча дика хет. ДIахо йодача хана из ший болх хьинаре къахьегарца лертIагIа кхоачашбе дог доагIаш хул цун. Цудухьа моллагIа балхаш кхоачашдеш цу тIехьа къахьегаш болча наха лаьрхIа цIай а долаш белгалдаь денош да дерригача дунен тIа дездеш. Царех да библиотекан ди а.

Май бетта 27-ча дийнахьа ерригача Росси библиотекан хетадаь ди да. Библиотекаца бувзам мел болча наьха цIай лоархIаш да из ди. Ерригача Россе из цIай дезде оттадаьр Росси хинна паччахь Ельцин Николая Борис ва 1995-ча шера, цу гIулакха ше хьалха а ваьнна кулг а яздаь из дIачIоагIдирца. Из цIай цу дийнахьа нийсдар а ший маIан долаш да, къаьстта цу дийнахьа 1795-ча шера Росси паччахь хиннача II Екатеринас амар деннад, гучахьа йола паччахьа библиотека хьаелла аьнна. Дукха ха ялале, Екатеринай амар кхоачаш а деш цу гIулакха болх дIаболабаьб дешара цIа хилда укхох, аьнна гIишло хьалйотта. Из хьалъе йолаяьй духхьал книжка лоаттадер духьа а доацаш, моллагIа дог эттача сага шийна бакъахьа хетача дешах лаьца деша аьттув хургболаш. ГIишло хьалъеча юкъа Екатеринас ше доккха дакъа лаьцад, цу чу Iодахка книжкаш кхоачашдарца. Цу хана дукха нах дешара а Iилманна а тIакхе баьннаб. Тахан из библиотека дунен тIарча эггар йоккхагIйолча библиотекех лоархIаш я.
Шоай хана цу чу яздеш хиннаб цIихеза бола йоазонхой Крылов, Корф, Оденцовский. Цул совгIа цу чу болх а баьб цар. ТкъоалагIча бIаьшаренга кхаччалца дукхагIча даькъе библиотеке болх беш хиннараш маIа нах ба. Укх тIехьарча бIаь шера мара кхаьчабац из лерхIаме болх кхалнахага. Цхьа ха яр маIача сага библиотеке болх бар эхь лоархIаш. Из уйла тIехьашкахьа йодаш тIехьарча хана библиотекашка болх бе бола беннаб маIа нах а.
Интернет юкъеяларца, цун никъ а бита тIехьашка яьнна шоллагIча мугIар тIа дIаэттай библиотека. Цун а ший бахьан да. Хьа а ийца книжка дешаш бола нах кIезига ба, бале а библиотеко хьалуш бола пайда боккха ба. Тахан, моллагIдолча хIамангахьа нах тIехьабаха таро я интернетага, цунга хьашт ба нах. ДукхагIча даькъе шоай вахар цунца дувзаденна да адам. Цудухьа дукхаш библиотекаш интернета чу дIачуйолхаш я, моллагIа книжка цу чура деша аьттув хургболаш. ХIана аьлча, лакхача маьхе дола деза йоазош кхеду книжкаша.


Хьалха хала хиннад моллагIдола книжка лаха а из вIаштIехьа даккха а. Библиотеке долаш дале а цигара хьалаха хала хиннад. Вай хана вIалла хала а доацаш долаш да библиотекашка эшаш дола книжка, деце хьадийхача массехк ди даллале хьадахьа. Библиотеке дIачу а ваха хийцца шийна деза книжка мах бала ца безаш хьа а ийца, дешара цIагIа Iо а хайна цунца пайда эца аьттув ба наьха. Атта корадергдолаш тархешка дадаш да дукха тайпара книжкаш, хIаране ше ший моттиг а йолаш. Цу гIулакха аьттув ба наьха тахан гаьна баха а ца безаш, амма дунен тIа адам дукхагIа хьадаьржадале а дешараш хьалха санна дукха бац.
МоллагIа вай деша хьаийца книжка юха дIа а дихье ше иллача дIаотта а дий кхычо дешаргдолаш Iодул вай. Из лорадеш, тIабижача дом боаккхаш, къахьегаш болх беш ба библиотека болхлой. Вайга дешийта гIерташ дукха къа хьег цар. ФуннагIа даь а вай хьаькъал шерде, мехка, дунен тIа, халкъа юкъе доаллар довзаргдолаш дукхача тайпара вIашагIкхетараш дIакхухь библиотекашка. МоллагIа арадаьнна керда книжка сиха нах хьагул а бай хьадовзийт, вай сихагIа дешаргдолаш, цу тIа йоазонхочо дувцар вай, дешархоша, кхетадергдолаш. Литературе керда мул боаккхаш вай хаькъалаш шердеш вай хургдолаш.
ЧIоагIа боча хеташ лелабу библиотека болхлоша шоай болх. Каьхат сатта а оагIув тишъенна а книжка талхар кхераш из лорадеш хьувзаш хул уж. Библиотека болхлой, хIанз шоай къаьстта цIай – библиотекан ди долаш ба, шоай балха тIа уж сутара а берзабеш, царцара наьха лоархIам лакха а беш болх ба из.

Матенаькъан Илез

№ 78 (12213), шинара, 28 май, 2019 шу / вторник, 28 мая 2019 года

В Назрани в 2025 году планируется обустройство 4-х общественных территорий - Республика Ингушетия Глава Ингушетии Махмуд-Али Калиматов в своем телеграм-канале призвал жителей проголосовать за выбор дизайн-проекта территории по федеральному проекту «Формирование комфортной городской среды».
Республика Ингушетия
Два жителя Ингушетии, которые ранее пострадали на производстве, получили новые автомобили Lada Granta от регионального Отделения Социального фонда России - Социальный фонд России       28 марта двое жителей Ингушетии, пострадавших на производстве, получили от регионального Отделения СФР новые автомобили Lada Granta.
Социальный фонд России
Следственным отделом ОМВД России по г. Назрань по материалам отдела уголовного розыска ОМВД России по г. Назрань в отношении двоих подростков возбуждено уголовное дело по п. «б» ч. 2 ст.
МВД России по Республике Ингушетия
Медицинское обследование в 2023 году прошли 124 тыс. несовершеннолетних жителей региона, или 96% от общего числа, сообщили газете «Ингушетия» в пресс-службе Главы и правительства республики.
Газета Ингушетия
Корь - это острое инфекционное заболевание, характеризующееся общей интоксикацией, воспалительными явлениями со стороны слизистых глаз, носоглотки, верхних дыхательных путей, характерной сыпью.
Роспотребнадзор