Iилманхочун 80 шу дизарга

Фото: serdalo.ru


ХIара дийнахьа вай мехка хьал тоаде гIерташ, шоай беррига низ, хьинар дIалуш хьабоагIача наха юкъе ба итташ, бIаьш бола гIалгIай къаман мехкарий, къонгаш. Царех цаI ва Гайтнаькъан Хьамида Бахьаудин. Цун вахар, цо хьабена Iилманхочун никъ Iомабе, бовза эттача; тамаш йилла чоалхне а беркате а ба. Эггара хьалха сона из вайзар дезткъалагIча шерашка журналиста Костоев Башира язъяьча «Сийлен никъ» яхача очерка тIара. Хетаргахьа, токаца из санна хьакхаштаваьнна саг гIалгIашта юкъе кхы цхьаькха хуле тамаш я. Юххьанца ше цу новкъа валарах дувцаш, лакхе хьоахаяьча очерка тIа Гайтовс аьннад: «… Казахски ССР Кокчетаверча школе деша вагIача хана (цхьайтта-шийтта шу диза кIаьнк вар со), духхьашха бIаргабайра сона циркулярка электродвигатель. Диткъача аьшкасаьргашка гIолла двигатель болх бе болаболийтар малагIа низ ба-хьогI яха уйлаш керта чура вIалла дIайоалаш яцар. Цу гIулакхо сатем боабаьбар са. Цу хьакъехьа шоашка даьча хаттара, бокъонца дашха а доашхаш, жоп дала маганзар сона школе хьехаш хиннача хьехархошта а. Сай вахара керттера декхар лаьрхIар аз из гIулакх довзилга. ТIехьагIо кхетадир аз Ампера законах двигатель болх бе болаболийташ, цунга аьшкасаьргашка гIолла электрически ток дIакхачийта езилга».

Юкъера школа яьккхачул тIехьагIа, гIалгIай зIамига саг деша вода Карагандерча политехнически институте. Лоаман электромеханикаца дувзаденна дар цун дешар, из дика карадерзадеш, 1961 шера чакхйоаккх цо ювцаш йола институт. ДIахора цун вахара никъ бувзабенна хиннаб хьехархочун балхаца. Цо къахьег Краснодарерча политехнически института Iилманхой мугIаре волаш. 1965 шера технически Iилмай кандидат хул цох. 1983 шера – технически Iилмай доктор. Кхы а пхи шу даьлча, 1988 шера, Бахьаудина лу профессор яха цIи.

Духхьал вай мехка яйза ца Iеш, доазол арахьа дIайовз цун говзал. 1978 – 1985 шерашка цо къахьег Швецерча «Альфа-Лавиль» яхача фирмаца. Цу юкъа дукха пайдане балхаш де карахдоал цунна а цунца бувзам болча кхыча мехкарча Iилманхошта а. Водар гаьнавоал, оалаш да вай къаман. Уж дешаш майрра ала мегаргда вай мехкахочох. 1977 шера денз, элетротехника кафедра заведующи; 1981 шера денз, энергетически факультета декан волаш, къахьег цо.

Тайп-тайпарча йоазонаш тIа белгал ма даккхара, цун а цунна уллув болх беча наьха а аьттув баьлар АI – АМБ оала сепаратор а из лелаергйола двигатель а хьабе. Москве а ГДР а тайп-тайпарча хьокхамашка гойташ хилар из тамашийна гIирс. Цул тIехьагIа, таханарча денга кхаччалца, Хьамида Бахьаудина карахдийна дика гIулакхаш дукха да. 1993 шера контракта наькъаца болх баьб цо «Бей Гуань» яхача Китаерча электромашенаш еча фирмаца. Цига арахийцай токаца лела керда машенаш. 1992, 1994 шерашка энергетике даьча лехамех РФ гранташ лу цунна. Цун кулго язъяьй 400 статья. 70 керда хIама юкъедоаладаьд цо, ше беча балхаца дувзаденна. Цо кулгал деш, язъяьй 30 кандидатски диссертаци. Хетаргахьа, цудухьа еннай вай мехкахочоа «Лакхарча школе доккхий толамаш дахарах» яха РФ Минвуза белгало.

1993 шера денз, цох хул «Вузий кердадараш. Электромеханика» яхача журнала редколлеге доакъашхо. 1995 шера хьожаву Краснодарски краерча даиман волча ГIалгIайчен викала балха тIа. Цу шера цунна лу «РФ Iилмани техникани гIорваьнна болхло» яха цIи. 1997 шера цох хул РФ электротехнически Iилмай Академе член-корреспондент, 2005 шера – академик, 2012 шера – сийдола академик.

Бахьаудина болх беча институте хьехаш хиннай цун сесаг Лейла а. Из а вайнаьха кхалнаха юкъе хьалхара технически Iилмай кандидат хиннай. Цар Тамараи Бэлаи яхаш ши йоI я.уж а доккхий дешараш дийша а вахаре йоаггIаш йола моттиг хьалаьца а дIабахаб. Шинне а Краснодарски политехнически институт яьккхай. Iилманца хьоашал долаш а хиннаб. Бэла цул совгIа спорт езаш, цу лостамагIа толамаш доахаш а хиннай.

ГIалгIай мехка дика вовзаш хиннача профессора И. Дахкильговс оалаш дар: «Къонахий мехка бIоагIий да». Вешта аьлча, шоай къаман дикагIйола оамалаш дийна лоаттаеш бола, цун юхь дIагойташ, из наха дIадовзийташ, цун хIама кIал ца дуташ, латта нах ба уж. Иштта хиннав ше мел яьккхача хана Гайтов а.

Ер йоазув гIалгIай къаьнагIболча журналистех хиннача Б. Костоева дешашца чакхдаккха лов сона: «Урхе ца яьккхача, мухале хиннаяц» оалаш да халкъа кица. Уж Iалаьмате нийса аьнна дешаш да. Цу даькъе йоккхий халонаш хьалхашка ийттачарех а уж толамца эшаяьчарех а ва Гайтов Хьамида Бахьаудин. Массе а оагIорахьара вахара чам байзачарех цаI ва из».

С. Арчаков

 
По теме
Правительство РФ: Ингушетия получит бонус в 167млн. руб. за высокий темп роста экономического потенциала - IngNews.Ru Республика Ингушетия вошла в число 40 регионов страны, которые Правительство Российской Федерации поощрило грантами за достижение высоких темпов роста экономического потенциала территорий.
10.12.2018
 
Герои нашего времени - Ингушетия Подвиг не знает возраста 9 декабря в России отмечается День Героев Отечества — особенный праздник, призванный отдать дань мужеству, самоотверженности, патриотическим качествам людей, по праву носящих это высокое звание.
09.12.2018 Ингушетия
Накануне в дежурную часть ОМВД России по г. Карабулак с заявление о безвестном исчезновении 30-летнего сына обратилась жительница с.п.
08.12.2018 МВД России по Республике Ингушетия
Следственные органы возбудили уголовное дело по факту нападения на сотрудника полиции, при котором он получил ножевое ранение руки, сообщили газете «Ингушетия» в региональном следственном управлении СКР.
03.12.2018 Ингушетия
Трое жителей Ингушетии решением Малгобекского городского суда признаны виновными в сбыте поддельных денежных купюр и приговорены к лишению свободы на срок от 2 лет 7 месяцев до 1 года 2 месяцев с отбыванием наказания в к
02.12.2018 Ингушетия
Издательство «Сердало» передало в дар Национальной библиотеке Ингушетии новые издания - Ингушетия Фонды Национальной библиотеки Ингушетии имени Джемалдина Яндиева в очередной раз пополнились новыми изданиями, подаренными библиотеке книжным издательством «Сердало», возглавляемым генеральным директором Магометом Мургустовым,
10.12.2018 Ингушетия
Уважаемый Берс Биланович! От имени, деятелей культуры и искусства Республики Ингушетия  и от себя лично искренне и сердечно поздравляю  Вас с Днем рождения!
09.12.2018 Министерство культуры
Мастера и ремесленники Ингушетии В современном мире, где господствующее положение занимают высокие технологии, особую ценность приобретают изделия ручной работы.
07.12.2018 Сердало
Ингредиенты: Для теста: 4 яйца, 200 г сахарного песка, 1 пакетик порошка ванильного сахара, 200 г муки, 1/4 чайной ложки пищевой соды.
07.12.2018 Сердало
В Национальной библиотеке Ингушетии открыта книжная выставка «Философия любви», посвященная 215-летию со дня рождения ярчайшего представителя золотого века русской поэзии Федора Тютчева, сообщает пресс-служба учреждения.
05.12.2018 Ингушетия
Три  медали завоевали ингушские каратисты на фестивале боевых искусств в Нальчике - Министерство по физической культуре В субботу, 8 декабря в Нальчике проходил Межрегиональный фестиваль боевых искусств «Спорт против экстремизма» по правилам вида спорта «Всестилевое каратэ».
08.12.2018 Министерство по физической культуре
В Ингушетии завершился Всероссийский турнир по хоккею с шайбой среди юношей - Министерство по физической культуре На льду Хоккейной академии Фетисова «Башлоам» завершился  Всероссийский турнир по хоккею с шайбой на кубок Героя России Главы Республики Ингушетия Юнус-Бека Евкурова.
10.12.2018 Министерство по физической культуре
Массадолча хIамангахьа ший дезал кхычарел тIеххилар дезаш ва хIара саг. Цхьаволчо уж харцбовлар а кхераш лора а беш, чу-ара бовлача хана царна тIехьа бIарг а кхоабаш кхебу ший дезал.
07.12.2018 Сердало
Об участии сотрудников поискового отряда «Казначей 6» в конференции, приуроченной ко «Дню неизвестного солдата» - Казначейство РФ 7 декабря 2018 года сотрудники поискового отряда Управления Федерального казначейства по Республике Ингушетия «Казначей 6» приняли участие в конференции,
10.12.2018 Казначейство РФ
Кадровые службы органов и организаций не вправе отказывать в приеме справок о наличии либо отсутствии судимости, выданных в форме электронного документа.
09.12.2018 МВД России по Республике Ингушетия