Финансах йолча министерстве дIайихьар урхаленашка болх беш йолча паччахьалкхен урхаленашта товар чуэцарца къаьхьегача болхлошта хьожаяь аргIанара семинар.
Ховш ма хиллара, тIехьарча хана цу даькъерча система юкъе дукха хувцамаш хиннад. ХIаьта кIезига-дукх цу балха юкъе нийсданна кхоачамбоацараш бахьан долаш цу даькъе къахьегаш вола болхло административни бехктокхаме оза тарлу.
Из болх боагIача боараме дIахьоргболаш вIашагIъехкай контрактни гIулакхченаш.
Царца хиннача вIашагIкхетаре министерства говзанчаш дийцар хоамий системаца болх мишта бе беза, цул совгIа теркам бар планировани йирца дувзаденнача хаттарах.
«КЭС-БАСКЕТ» – дивизионера ловзараш
«КЭС-БАСКЕТ» яхача басктболах йолча лигас дIахьош да шоай дивизионера ловзараш.
Цига дакъа лоацаш йола вай мехкара ловзара тоабаш йийкъаяр «Къулбехьеи», «Къулбаседаи» яхача шин дивизиона.
Ерригарча Россерча лиге вай мехкара дакъа лаьцар еррига а 67 тоаба яр. Карарча хана, белгалбаьхаб царех дикагIа хьокхам гойта бола доакъашхой. Царна юкъе йоагIача тоабах я — Зязиков-юртара «Буцефал», Эбирг-юртара «Спарта», МогIалбикера «Сигле», Наьсарера «Дикая дивизия», иштта «Орла Кавказа».
ХIаьта республике дIаяхьача яхьах бола хоадам бергба I4 феврале Наьсарерча ФОКе.
Котало яхараш «КЭС-БАСКЕТ» яхача лига фирмении баскетболах дола дувхарца безбаргба.
З. БАРКИНХО