Безамца дуне кхолларгдар цо

Фото: serdalo.ru

ХIара йоазонхочун ше-ший оамал, хьисап да моллагIдола хIама наха гучадаккхаргахьа а, ший уйлаш адамашта юкъе дIайоаржаяргахьа а. Цхьан оамал тIехьа, цхьатарра яздеш йоазонхой нийслуц. Нагахьа уж цхьан кепара баларе наха чамза хургдар цар кхоллаш дола балхаш. Уж шоайла эргаш хилар бахьан долаш дез наха цар йоазош, хьеж цар керда хIама кхолларга, яздарга, доаржадарга.

Хийлане дукха а везаш тIаэца йоазонхо, цхьаволчо шийна дукха везача йоазонхочун оамалаш шийга кхаба гIерташ къахьег, цох, цун турпалех тара хила гIерташ. Ишта наха лоархIаш безаш тIаэцача йоазонхоех я Сурхо тIарча Исмайланаькъанга маьре йола Албохчнаькъан Исраила Зейнап. Из яьй 1964-ча шера август бетта 8-ча дийнахьа, йоккхача Экажкъонгий-юрта. ВорхI вошеи, йиъ йишеи да уж даьи-наьнеи. ЗIамига болча хана денз боча а болаш, дика кхебаьб уж дас, нанас.
Зейнапа да Исраил наха дукха везаш, нахаца тарлуш ваьха чакхваьннав укх дунен тIа. Дукхача шерашкахьа мурдий туркхал леладаь ва из. Вешта шийна хьаьнала вахаш, ший шин кулгаца къахьегаш хиннача цо, ше мо къахьега а нах беза а Iомабаьб ший дезал. Цо цIенош дотташ хиннад, цул совгIа, дахчан пхьар а хиннав Исраил, цо дахчах хьа ца еш хIама хиннаяц. Иштта къахьегача шоай даьна юхера дIа ца йоалаш, цун новкъостал деш, цул совгIа цунгара шийна говзал хьаIомаеш а цун юхе кхистай Зайнап: «Тха даьна дахчах хьае ца ховш цхьаккха хIама яцар. Се берашца ловза араяьлча сай ловзар а дите, болх беш воллача дадена тIайодар со, аз шийна доаккха новкъостал деш санна, со хьоастар цо. Iалаьлай ма чIоагIа дог гIоздоалар-кх цо могаеш дош аьлча. Тхоца массанеца а хиннав тха да иштта дика», – йоах Зайнапа, таханара ший вахара къахьегам дас хьийгача къих дакъа да аьнна хеташ.


Ше зIамига йиIиг йолча хана а сакхетам лакха болаш, цIен эшачунга хьожача нанна новкъостал деш хиннай Зайнап. Укхан ворхI шу даьннача хана, могаш йоацача ший зIамагIйолча йиIигаца больнице уллаш, шелал а кхийтта цIьхха еннай нана. Из кхелхай 1972-ча шера февраль бетта. Нана йоацаш ше йисача дIадоладеннад Зейнапа атта доаца вахар. Школеле дIаяхале а, цигара дийша юха чуеча а цIагIа де мел дезар деш хиннад цо ший йоккхагIйолча йишийца. Акхар нана кхалха нийса шу даьлча, саг йоалаяьй дас. ТIаккха аттача даьннад берий вахар. Акхар нана йолаш санна дика хиннай из ший маьра дезалца: «Тхо зIамига долча хана а, е кхийна истий кхийла а маьре даха а дIанийсделча а, цкъа даь-сесаг ма йий тха из, аьнна дагдехадац тхона. Тхоца иззал дика йолаш чакхъяьннай из. Даьна даь, нанас даь яха хIама вIалла дийцадац цо тхоца», – йоах Зейнапа, ший Даь-сесагах къамаьл дувцаш.
Школе деша ягIача хана а гIалгIай литература дукха дезаш, гIалгIай вахарах, омалах, гIулакхех яздаь книжкаш дешаш хиннад Зейнапа. Цул совгIа ший да мо кулг говзал йолаш кхоллама болх дукха безаш саг я из.
Ший нана енна цхьа ха яллалца ше цхьаь юстара Iохай наьна гIайгIа еш, цунга сатувсаш уйлаш еш дукха денош дIакхихьад Зейнапа. Иштта еш йола уйла бахьан долаш язде йолаеннай из аьлча харцахьа хургдац: «Цхьа юкъ яллалца йолча хана, сай нана еннай аьлча тешалуцар со. Хьайича денз, се лелаяь нана кхы бIаргагурьяц аьлча хала дар из бакъде, тIаэца, цунца та. Цхьанна а хIаманца чам бацар, берашца ара баь тIа ловза а. Духхьал цу хIаман зIамига йоллашше дукха уйла яь, се ягIача дешаш хьа кхолла йолаелар со», – йоах Зейнапа ший берал дага ухаш.
Эггара хьалха, шийна лерттIа я-кх ер аьнна хеташ байташ Зейнапа язъяьй, бархIлагIча классе деша яьгIаш, ший дитта шу даьннача хана. Ше дешаш йолча хана йиIига дег чу ювшачарех хиннай гIалгIай эздий оамалаш гойташ, Даймехках а Iаламах а йола вай йоазонхой байташ. Цо ешаш хиннай вай хьалха дIабахача, боккхагIболча йоазонхой стихаш, царца чIоагIа хьашт долаш хиннай йиIиг. Къаьстта Шаденаькъан Арсмака Султана кхоллам цхьа дега гарга хиннаб цун. Цул совгIа, Чехканаькъан Идриса СаIида кхоллам а дега гарга болаш тIаийцаб Зайнапа: «СаIийда кхолламах аз ца дешаш наггахьа хIама диса хургдац. СаIида берашта язъяь «Шарип» яха стихотворении сов дукха йийша дагахьа Iома а яь, зIамига йолча хана денз тахан а, айса моллагIа хIама деш хилча из илли доаккха аз. Иштта хоза хета сона Чехканаькъан Идриса СаIида байташ», — дувц Зейнапа.
Укхаза белгалде доагIа Зейнапа эрсий меттеи литературеи хьехархо гIалгIай цIихезача йоазонхочун Осменаькъан Сосе Хьамзата йоI Люба хинналга. Цо, гIалгIай поэташ шийна сов чIоагIа дукха безаш, цар кхолламах доккхал деш ше хиларах, дешархошта цар стихаш йовзийтай, уж езаш тIа а эцийташ Iомаяйтай. Къаьстта гIалгIай мотти литературеи хьехаш хиннача МутаIалнаькъан Увайса чам чубеннаб Зейнапа литературе чуяла. Тхьовра аз ма аллара, бархIлагIча классе деша ягIача хана йолаеннай из стихаш язъе. Цун хьалхара стихаш кепатеха араяьннай из иттлагIча классе ягIача хана 1981-ча шера «Ленина никъ» яхача газетат тIа. Уж я «ТIеххаьра гургал», «Аз цIи тилла вола са веший-воI», «БIаьсти» яха стихотворенеш.
1981-гIча шера, ший ялхайтта шу дузача шера Экажкъонгий-юртара юкъара школа чакхъяьккхе йоал Зейнап. Цигара яьлча цо беш «Ленина никъ» яхача Наьсарен района газета тIара хоам. Цу тIа яздаь хул, Шолжа-ГIалий тIа гIалгIай йоазонхошца кагирхой вIашагIкхетар хургда аьнна. ТIаккха цига болхачарца цхьана яха дакъа лоацаш хиннай Зайнап. Цига гулбеннача йоазонхошца хьоашалха вена хиннав гIалгIай цIихеза йоазонхо Пхьилекъонгий Iасолта Махьмад-СаIид. Боккхача безамца тIаийцад Зейнапа цига хинна къамаьл: «Цу хана кхетадир аз, Дала гешт долда цунна Махьмад-СаIида къамаьл ма дийцанге а, сай вахара никъ литератураца хоттабенна болга а, вай халкъа литератураца кхы а чIоагIагIа къахьега дезалга а. Дукха пайдане хIамаш дар тхона вIашагIкхетаре кхы дIахо а йоазонхоша дийцараш», – йоах Зайнапа.
1983-гIача шера Эккажкъонгий-Юртарча школе секретарал балха отт из. Цига цхьан шера болх баьчул тIехьагIа, 1984-ча шера Къилбаседа-ХIирийчен университета филологен факультете деша отт. Из дика кхеташ чакх а яьккхе, ше дийша ма яьлланге а шоай юртарча школе хьехархо балха йода из. Цу хана геттара ший говзаме йоазош деш стихаши лоацига дувцараши яздеш къахьега Зейнапа. Цун стихаш каст-каста «Сердало», «Ленина никъ» яхача газеташ тIа кепа етт, цул совгIа дувцараш кепа детт «Литературни ГIалгIайче» яхача журнала тIа.
Ала деза, юххьанца язде йолаелчахой Зайнапа стихаш кепайиттай дукхагIа «Ленина никъ» яхача газета тIа. Цудухьа из газет хьамсара а хиннад Зейнапа. ДIахо цун стихаш кепа йиттай «Лоаман Iуйре» яхача альманаха тIа, Нохч-ГIалгIайчен радио гIолла дукха йийшай Зейнапа байташ, цул совгIа мукъам тIа а билла ашарашца а ликхай. Карарча хана вай илли алархоша лекхаш я Зейнапа байтех, мукъам тIабилла ашараш.
1989-гIча шера Зейнапа вIашагIкхетар хиннад гIалгIай литературан критик волча Малсагнаькъан Абойца. Цига дIа-хьа байзача, Зейнапа кхоллам безаш тIаийцаб Абос. Из вIашагIкхетар цар хинна цхьа ха яьлча Шолжа-ГIалий тIарча книжни издательстве арадаьннача «Баьца тIа тхир» яхача гIалгIай къонача йоазонхой дикагIа йолча произведенех латтача гуллама оагIонаш тIа кепа теха араяьннай Исраила Зейнапа стихаш. Уж йийшачул тIехьагIа езаш тIаийцай уж дешархоша.
1991-ча шера «Ленина никъ» яхача района газете балха йода Зейнап. КIиззига ха яьлча «Назрановец», тIаккха тIехьагIо «Наьсарен оаз» аьле хувц цу газета цIи. Тахан из цIи лелаю цу газето. Цу редакце корреспондент-таржамхо йолаш Зейнапа болх бу кхойтта шера. Редакце балха араяьнна цхьа шу доаллаш Сурхо тIарча Исмайлнаькъан Iабдулхьамид-Молла воIага Iадроахьманага маьре йода из. Бакъда, маьре яха яле а дIахо ший болх бу Зейнапа, ше яха яхача цIагIара гIулакх кIал а ца дуташ: «Дала гешт долда царна, мар-да а мар-нана а чIоагIа дика нах бар са. МоллагIдолча хьадеча хIаманна массаза а новкъостий хиннаб сона уж. Цудухьа хала а доацаш вIаштIехьа доалар са цIагIа эшар де а, газете болх бе а, кхоллама йоазош де а», – йоах Зейнапа ший маьре яха шу дагаухаш.
Вай мехка хIара шера хулача «Дошо къоалам» яхача къонача йоазонхой конкурсашка дакъа лийцад Зейнапа. Иштта 2001-гIча шера хиннача конкурсе поэзи яхача номинацех кхоалагIа моттиг яьккхай цо. 2002-гIча шера прозах хиннача конкурсах шоллагIа моттига яьккхай. ХIаьта 2003-гIча шера поэзе номинацех хьалхара моттиг а, лауреата цIи а лу Зейнапа. Цигга, геттара чIоагIа ший наьна мотт безалу цун. Цу шера гIалгIай мотт кхы а кIоаргагIа Iомабе уйла йолаш из деша йода ГIалгIай Паччахьалкхен университета филологен факультете.
1995-ча шера дагадоаццаш Зайнапа да Албохчнаькъан Исраил ла. Доккха таьзет а этте, гулбеннараш дика тешал а дий дIавол из шоай юртарча кашамашка. Да дIаваьлча из хала хийтте балхаца а, е йоазонца а бала боацаш цхьа ха йоакх Зейнапа. ХIаьта а хана йIоахалца юха ше-шийх санна боламца долалу цун вахара гIулакх.
ТIеххьарча шерашка дуккхача наьха дегашка ювшаш йола стихаш язъярал совгIа, дуккха дувцараш а яздаьд Зайнапа. Уж арадувл «Литературни ГIалгIайче» яхача журнала тIа. Зейнапа йоазон кхоллам хетабаь ба безама, нанна, Даьхенна, цун хозача Iалама, гIалгIай къама, берашта, гIалгай метта, наха юкъерча гIулакха, иштта кхы а.
Къаьстта нанна хетаяь байташ дукха я Зейнапа, царех я «Яхийла нана» яха стихотворени. Из ешаш хилча хеталу, автор укх дунен тIа мел йолча нанна ловца боаккхаш я, аьнна. Гучадоал ший нана цун мел хьамсара хиннай, гойт ший наьнацара цун бувзам мел чIоагIа ба. Хьех, иштта из бувзам масса болча дезалхой а шоай ноаношца хила безалга:

Яхийла, яхийла нана,
Ер дуне мел латт, яхийла!
Ший бераш маьрша чудерзаш,
Царга хьежаш ягIийла!

Яхийла нана, яхийла,
ХIарачун нана яхийла,
Бера бIаргех хий даьнна
Вайна цIаккха ма гулда!

Яхийла хьамсара нана,
Яхийла ший берий духьа!
Цкъа хьалхара нана дIаяьлча,
Хургьяц кхы шоллагIа нана.

Яхийла массаза а нана,
Ший бера иллеш а доахаш,
Яхийла хьамсара нана,
Къонгаша хьаьнала кхаш оахаш.

Албохчнаькъан Зейнапа проза а, поэзи а ювцаш, гIалгIай меттала араяьннай цхьацца йола статьяш. Масала, 1995-ча шера «Вай къонача поэтессах Албогачиева Зейнапах дола дош», аьнна, цунна кхолламах лаьца литературовед волча Малсагнаькъан Абос язъяь статья араяьннай «Литературни ГIалгIайче» яхача журнала тIа.
ГIалгIай литературе йоагIа мотиг чу а лаьца шера гIа а баьккха дIаэттаб Албохчнаькъан Исраила Зейнапа йоазон кхоллам. Деррига ший йоазош цо хетадаьд гIалгIай къамо атта доацаш хьаденача, халеи мискеи дале а гIоза долча вахара.
Зейнапа ялх дезалхо ва, виъ воIи ши йоIи. ЙоккхагIйола йоI маьре а яха дезал а болаш ше яхача хоза тар а луш йоаллаш я. ВоккхагIволча шин воIо МГУ яьккхай вож шиъ ГIалгIай паччахьалкхен университете дешаш ба, эггара зIамагIа йола йиIиг Сурхо тIарча школе дешаш я.
Дезал кхебе а, маьра гIулакх де а, боахам лелабе а из деррига мишта вIаштIехьа доал хьа аьнна хаьттача йоах Зейнапа, — къахьегарца: «Сона дага а доагIаш цхьа минот хиллал ха зехьа йоаяьяц аз. Цудухьа Дала новкъостал ду. Къахьегаш бола нах дукха беза а ма йоахий Далла».
Ше мараца яха хайнача дийнахьа денз цун уллувра дIа ца йоалаш сесаг хиларал совгIа цун новкъост а хинна дIаэтта цунца цхьана вахаре эшар кхоачашдеш болх беш я Зайнап. Цо лелаю коа хаьсий беш, шоай цIен дезала тIадувха барзкъа тега.
Зейнап санна гаьнаваьнна веце а, йоазон тIакхувш а, цхьацца байташ язъеш а ва Зейнапа кхоалагIвола воI, Мувса. Цул совгIа сурташ а дехка цо. Цун балхашка хьежача гуш да, ший нана санна кхолламхо цох хургхилар.
Карарча хана йоазонца къахьегаш романа доакъош, дувцараш, стихаш, пъесаш язъеш я Зейнап. МоллагIа мехка гIулакх эттача стихашца из дашха йиш яле адам дика дара тIахьехаш цу сахьате дIахай стих язъю Зейнапа е дувцар язду. Тахан Зейнапа арадаьнна массехк книжка мара деце а, цун мел дола йоазош хьагулдича царех морх бизза книжкаш хургдар.
Дехьа а сехьа а кепа йийтта байташ дувцараш а доацаш, Зейнапа дакъа а лоацаш 7 гуллам арадаьннад, цул совгIа «Дуненна сердал лур», «Безама низ» яха ший шиъ книжка а арадаьккхад Зейнапа.
Вай кхувш боагIарашта ловца боаккхаш Зейнапа йоах: «Дика мел дар хулийтаргдар аз вай тIехьенна. Эггар хьалхагIа могаш маьрша хилба уж, шозлагIа шоаш йоаккхача хана нийсача наькъ тIа болаш бахалба уж. КхозлагIа, вахара никъ иразе хилба, дикача хIаманна тIехьа Дала аьттув боаккхалба. Аз сайчарна боаккхаш бола лоавца ба из».

Матенаькъан Илез

№ 117-118 (12252-253), шоатта, 10 август, 2019 шу / суббота, 10 августа 2019 года

 
По теме
Массанена везаш хинна  йоазонхо - Сердало (Ведзижев Ахьмада 100 шу дизарга) Айса яьккхача хана, гIалгIай дукхагIболча цIихезача йоазонхошца вIашагIкхета а царца къамаьл де а ираз хиннад са.

08.08.2019
Туризма доазув тохкаш - Сердало Вай кагирхоша къахьег хIара Iилмангахьа керда белгалонаш хьаеллаш. Албохчанаькъан Хадижат белгалъяьлар, турзима доазув тохкаш, керда наькъаш довзийтарца.

05.08.2019
Ший халкъ дукха дезаш ваьха йоазонхо - Сердало Шахьар Сунжерча ГIалгIайчен къаман библиотеке вIашагIкехетар дIадихьар, поэт, прозаик хиннача Ведзажнаькъан Абубакара Ахьмада хетадаь.

05.08.2019
 
12 декабря 2019 года с 12.00 до 20.00 часов в соответствии с поручением Президента Российской Федерации в органах государственной власти и местного самоуправления проводится Общероссийский день приёма граждан.

06.12.2019
 
Детский хор из Малгобека стал лауреатом первой степени фестиваля «Чегемский родник» - Ингушетия Сводный хор детской музыкальной школы города Малгобека стал лауреатом первой степени регионального фестиваля имени Мухадина Кишева «Чегемский родник», сообщила газете «Ингушетия» руководитель коллектива Анжелика Даурбекова.

06.12.2019
 
В Назрановском районе прошел республиканский семинар-практикум, посвященный памяти Ширвани Костоева - Ингушетия В Доме культуры сельского поселения Яндаре Назрановского района в рамках Дня героев Отечества и 75-летия Великой Победы прошел республиканский семинар-практикум, посвященный памяти Героя России,

06.12.2019
В Ингушетии задержаны шесть подозреваемых в причастности к убийству главы центра «Э» Эльджаркиева - Ингушетия По делу об убийстве в Москве начальника центра «Э» МВД по Ингушетии Ибрагима Эльджаркиева и его брата задержало шестерых подозреваемых в этом преступлении,
Ингушетия
06.12.2019
JPG Файл - МВД России по Республике Ингушетия УВМ МВД по Республике Ингушетия в тесном взаимодействии с сотрудниками регионального исправительного учреждения ОФСИН России осуществляет комплекс мер,
МВД России по Республике Ингушетия
07.12.2019
telefon_p.png - МВД России по Республике Ингушетия Не прекращаются преступления, связанные с хищениями сотовых телефонов. Обычно это кражи, грабежи и мошенничества, но также случаются разбои и умышленные повреждения.
МВД России по Республике Ингушетия
07.12.2019
Архив На дороге в Малгобекском районе неизвестный на автомобиле совершил наезд на местную жительницу, женщина погибла, сообщил глава администрации сельского поселения Инарки Адам Котиев.
02.12.2019 Ингушетия
В суд передано уголовное дело двоих бывших оперативников и замначальника отдела управления по контролю за оборотом наркотиков регионального МВД, обвиняемых в покушении на мошенничество,
29.11.2019 Ингушетия
Сводный хор детской музыкальной школы города Малгобека стал лауреатом первой степени регионального фестиваля имени Мухадина Кишева «Чегемский родник», сообщила газете «Ингушетия» руководитель коллектива Анжелика Даурбекова.
06.12.2019 Ингушетия
В Доме культуры сельского поселения Яндаре Назрановского района в рамках Дня героев Отечества и 75-летия Великой Победы прошел республиканский семинар-практикум, посвященный памяти Героя России,
06.12.2019 Ингушетия
В Национальную библиотеку Ингушетии поступили новые справочно-энциклопедические издания «Республика Ингушетия: события и даты» и «100 писателей Ингушетии», переданные в дар библиотекам республики их автором-составителем,
05.12.2019 Ингушетия
И.о. министра спорта Ингушетии Али Дошхоклоев проинспектировал спорткомплекс в Малгобеке - Министерство по физической культуре Сегодня, 5 декабря и.о. министра по физической культуре и спорту Республики Ингушетия Али Дошхоклоев посетил с инспекцией физкультурно-оздоровительный комплекс в городе Малгобек.
Министерство по физической культуре
05.12.2019
В Ингушетии завершился третий соревновательный день Всероссийских соревнований по боксу памяти Салумбека Осканова - Министерство по физической культуре Сегодня в ингушской Назрани завершился третий соревновательный день Всероссийских соревнований по боксу среди мужчин класса «А» памяти Салумбека Осканова.
Министерство по физической культуре
05.12.2019
Рассвет Магомеда Оздоева - IngFootball.Ru 27-го ноября 2019-го года в матче Лиги Чемпионов «Зенит» - Лион» Магомед Оздоев на 84-й минуте забил гол в ворота французской команды.
IngFootball.Ru
07.12.2019
Стали известны финальные пары XIX Всероссийского турнира по боксу класса «А» среди мужчин 19-40 лет, памяти первого Героя России генерал-майора авиации Суламбека Осканова.
07.12.2019 Ингушетия
Директор Малгобекского культурно-досугового центра Ибрагим Газдиев и заместитель главы районной администрации Камбулат Кузьгов совершили инспекционный выезд в сельское поселение Южное, сообщает пресс-служба учреждения.
07.12.2019 Magas.Ru
Директор Малгобекского культурно-досугового центра Ибрагим Газдиев и заместитель главы районной администрации Камбулат Кузьгов совершили инспекционный выезд в сельское поселение Южное, сообщает пресс-служба учреждения.
06.12.2019 Ингушетия
Ау, пешеход… 02.12.2019 [email protected] 0 Комментариев Из информационного сообщения: …19-летний горожанин, управляя автомашиной «Лада Гранта», совершил наезд на пожилую жительницу,
06.12.2019 Magas.Ru